Շվեյցարիայում Հայաստանի Հանրապետության դեսպանությունը շնորհավորում է Հանրապետության տոնի առթիվ

28 մայիսի, 2020

1918թ․-ի մայիսի 28-ը առանձնահատուկ խորհուրդ ունի հայ ժողովրդի հազարամյակների պատմության առանցքում։ Պետականության կորստից շուրջ հինգ հարյուր տարի անց անկախության վերականգնումը դարակազմիկ իրադարձություն էր, որը կանխորոշեց մեր Հայրենիքի պատմության ողջ հետագա ընթացքը՝ ըկնելով ներկա անկախ ու ազատ պետության հիմքերում։ Այն հայ ժողովրդի ազատատենչ ոգու ամենավառ վկայություններից մեկն է, որը անցնելով ցեղասպանության արհավիրքով իր մեջ ուժ գտավ Սարդարապատի, Բաշ Ապարանի ու Ղարաքիլիսայի հերոսական ճակամարտերից հաղթական դուրս գալու և վերընձյուղվելու անկախ Հայաստանի Հանրապետության եռագույն դրոշի հովանու ներքո։

Կից լուսանկարում Ազգերի լիգային անդամակցության Հայաստանի դիմումն է, որը հարյուր տարի առաջ ներկայացվել է Ավետիս Ահարոնյանի ստորագրությամբ։ Փաստաթղթի բնօրինակը պահվում է Ժնևում՝ ՄԱԿ գրասենյակի արխիվում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր